Storyboard

< Anterior

FERRAMENTAS BASICAS DE PREPRODUCCION AUDIOVISUAL. O STORYBOARD

O storyboard é un recurso certamente denostado na industria audiovisual do noso país. Muitas veces prescíndese del, por razóns varias. Pero se miramos  a lugares onde esta industria te en unha boa situación e de completa saúde, descubriremos que hai moi poucos proxectos que se poidan realizar sen a axuda desta ferramenta, da que a utilidade resúmese de xeito moi simple coa seguente ecuación: amaior preprodución, menor produción; o cal tradúcese nun aforro considerábel de recursos económicos, humanos, e sobre todo, dese factor que  todo o debora: o tempo.

Un storyboard eficiente, sexa como guía ou como presentación dun proxecto, sempre axudará a que a historia, por unha vez, teña un final feliz.

Tras definir os distintos tipos de story, formatos, e necesidades que podemos encontrar, cales son os niveis esixidos a cada un deles, haberá unha exhaustiva explicación da arte secuencial:

• Linguaxe do plano.
• Lectura subxectiva dunha imaxe, significados intrínsecos da mesma.
• Elementos propios da linguaxe do storyboard.
• Elección do momento clave que describe unha acción.
• Que podemos chegar a describir cun simple debuxo ou croquis.
• Trucos na construción de personaxes.
• Técnicas e trucos para composición de imaxes en dúas dimensións.
• Uso racional da perspectiva na composición de imaxes.
• Iluminación dramática.
• Debuxo áxil.

Tras as explicacións pertinentes, haberá unha fase práctica na que os alumnos desenvolverán unhas secuencias de storyboards a partir de guións preestablecidos, onde se poñerán de manifiesto e se poderán contrastar os aspectos discutidos anteriormente.